|
|
|
| الإهداءات |
| أهلا وسهلا بك إلى منتديات لمني بشوق. |
| أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه. |
|
||||||
| (✿) أَرْوَاح تَتَنَفَّس مُدَوَّنَة لَك : فَضْفَضَة لِلْقُلُوْب .. وَرُكْن لِلِذِكْرَيَآت |
05-31-11, 02:10 AM
|
#11 | ||||||||||
  
|
رد: هنا تجدووون أهوااااه
كيفكم انشااااء الله بخير
اليووم راح اتكلم عن مخلوووق غالي علي مرة ومخلوووق مووسع صدري دايما ومخلوووع مونسني بدنيااااي ومخلوووق مدري وش يصير لي اذا صارله شي الله يخليه لي وهو الصرااااحة بنوووتة عزيزة على قلبي واللي بيزعل فهد يزعلها وهي حبيبتي وبنيتي (مثل ماتحب تقوولها امي) واختي وكل شي بدنيااااي وهي: ريـــم . ريم هذي بنية لا يتجااوز عمرها الثلااااث سنوااات يعني سنتين ونصف حبووبة مرررة انا اللي اخترت اسمها طبعا بتكليف من امي لانها قالتلي يووم كنت اوديها تكشف وترووح تجيب علاج وكل لحظة كنت معها قالت: شف ياوليدي << الفاظ مو غريبه على الحريم هههخ>> ان كان اللي ببطني ولد راح اسميه تركي <<اسم خالي الله يرحمه كان عسكري وقتله الارهابيين الله ينتقم منهم وله كتابة ثانية انشاء الله>> وان كان اللي ببطني بنت انت سمها. <<تقصدني>> وانا بسرعة قلت راااح اسميها ريم لاني بجد احب هالاسم مرررره وحتى بنتي انشاء الله راااح اسميها ريم , المهم ابووي بشرني يووم ولدت امي انها جابت بنت وحتى مزح معي قال ماراح اسميها ريم وجاب اسم من عنده عاااد انا زعلت وكتمت زعلي لين جيت امي وتطمنت عليها وقلتلها عن كلااام ابوي وقعدت تضحك الله يخليها لي قالت ان يمزح معك عاااد انا استانست مرررره والحمدلله سموووها ريم ياعساااني ما ابكيها . وحتى اني دخلت عليها ذاك اليوم الحضانة وصورتها بجوااالي وزعلت علينا الممرضة , يعني انا عندي بالجوااال صورة لاختي ريم باول يوم لها بالدنيا. وتقريبا لها عندي صوورة بكل شهر في حياااتها الى اليوووم يعني داااايم اصورها حتى اني قد امسح تصوير لي او لاصحااابي عشاااان اصورها بالجواااال يوووه فديييييتها. والحمدلله استطعت اني اربيها واعلمها الكلااااااام على مزااااجي يعني اذا خدمها احد قااالت تكرا يعني شكرا واذا قلت لها شكرا قالت أفوا يعني عفوا قوولوا ماشاء الله تبارك الله . والحمدلله حتى دااايم اذا شافتني قاعد اتقهوى او قاااعد عالنت تجي من وراااي وتحضني وتقووول حبيبي يازينك ههههههخخ<<ماكنه ابلشكم باخته ههههههخ. وحتى اكثر المرااات تجي تطق علي البااااب وانا بغرفتي وافتح لها وتقعد عندي تسوولف علي والا تنسدح على رجلي والا تلعب بكتبي وامنعها وتقعد عندي . يعني وش اقووولكم بس وربي مونستني بهالدنيا . وبراااسي انها ماراح تزوووج الا واحد يعجبني ويستاهلها صح << بعد موافقة الوااالد طبعا. طبعا البقااالة داايم على لسانها لاني معودها داااايم اوديها حتى اختي اللي اكبر منها بثالث ابتدائي اذا بغت البقااالة تجيني تقووول ريم تبي البقااالة وتدري اني ما ارفض طلب لريم ابد . وش اقووول وش اخلي تبي تعرفووون مزاااج فهد شووفوا ريم واحكموا وربي كل شي بحيااااتي حتى اني اذا جيت من الجامعة والا كنت برا البيت واتصلت على اهلي بعد ما اتطمن على امي اسال عن ريم . وهي ماشاء الله عليها اذا بغيت اطلع من البيت قالت فهد وين ترووح ؟؟ والا اذا دلعتني تقوول :فهد فهوودي يالبى قلبها ما اقوول الا فديييييييتها كلي عسى يوومي قبل يومها وعساها ماتشوف الضيم وبالختااام عاد حبيت أطلعكم على قصيدتي فيها يوم بشروووني بقدووومها للدنيا الله يطوول بعمرها واقول : بسم الله أبدا ماكتبته من أبيات وقد كتبتها يوم بشرت بولادتها بتاريخ 6/11/1429 هــ فالغاليه مني تراحيب وأهلين يامرحبا ياريم زين البنيات تشريفك الدنيا أماني ملايين شوفك غناتي واسمك الريم مامات ريم الفلا لعبه يونس حزينين يازين شوفك يبري القلب حزات وحزات قلبك ساكن فالشرايين داخل شراييني بنيتي بنايات والحزن بعدك صاير اليوم ناسين لا شفتك افرح والفرح ماله سكات ومن زود ما افرح بك تولعت بالزين وأعاهدك يا أختي وأنا عهدي إثبات بعيش أعزك وأخدمك عدة سنين وليا بغيتيني ترى للمهمات قدمك تراني جندي وضابط معين أرفع جنابك فوق كل العزيزات وأحفظ جنابك عن كلام الملاعين وان قلتي الخاطر يبيله مسافات رجلي وفكري يالعزيزه مطيعين وان قلتي بهمس الصغيرة حكايات بقفل الجوال وأسمعك تحكين والرأي رايك لا نوينا مشورات لا قالوا العربان رايك تقولين أنا أخته وقولي من الطيب منقات والكل لا قلتي سمع ما تشورين وليا دخلتي مجلس فيه صجات في حضرتك يسكت جميع المنادين والشعر فيك أصدق حكي من خفا الذات والشعر في غيرك كذب قول لاهين وباقي ترى كلمه تجب فالروايات إن قلتها مشكور وان شلتها دين قلبي ترى فدوه وروحي معه جات تفداك حتى يأمر الله بحرفين قولي فعل دايم ولا فيه زلات واللي جهل قولي تراهم مساكين وادعي عسا اللي نزل الحق بآيات رب العباد وخالق الناس من طين يحفظ صغيره من جميع المصيبات ريم الصغيرة تنحفظ من حسودين واختم كلام قلته وقال لي هات قال القلم هات الحكم والموازين قلت الختام لما كتبته صلاوات على النبي اللي هدانا على الدين وسلامتكم واعتقد مابقى شي ماقلته عن عيووني الثنتين وان كاان بقى شي راح اكتبه بكتاابة ثانية والحين عاااد اسمحووولنا على الاطاااالة . |
||||||||||
|
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
| انواع عرض الموضوع | |
|
|
| لمني بشوق | منتديات لمني بشوق | مركز تحميل لمني بشوق |
العرض الشجري