[غروري في انوثتي...]

أنا ماجيت ابي منك السموحه وأبـدي الأعـذار
ولا جيت ألتمس لأصغر ذنوبي عنـدك التوبـه

اعرف ان الضلوع العوج عوج والضلوع قصار
واعرف ان الخفوق اللي كفر ما تغفـر ذنوبـه

واعرف ان القضيه والسوالف هي قضية ثـار
وأعرف اللي تعرف وتنكره لو تستـر عيوبـه

أنا ماني مثـل ذاك السفيـه الخايـن البـوار
أميـز خايـن الذمـه وأعـرف أقلـده ثوبـه

أنا بنت تعرف الشعر وتكـره فتنـة الشعـار
لها في الشعر باع وتكـره النمـاق واسلوبـه

طعون الحقد جتني يالطنايـا والخطايـا عـار
وأنـا ودي بفزعتكـم مـدام النـار مشبوبـه

وأنا ودي بفزعة واحدن ما تخلفـه الاشـوار
صمايل هقوته تاصل شمال الجـرح وجنوبـه

عليه من المواري خصلتين الباس والإصـرار
من افعاله غدى حلمٍ ينومـس كـل رعبوبـه

الا وين المراجل وينها ؟؟ هي عودت للـدار؟؟
الا وين النشاما والسنـع والحـق ودروبـه؟؟

ابقصر عنوة الدنيا وابقصـر عنـوة المشـوار
وأريّح خافق صدقه مع أهل الكـذب عذروبـه

توكل مابقـى الا هـي ادور للذنـوب اعـذار
توكل ما يعرف العـذر قلـب يرفـض التوبـه

</b></i>