[غروري في انوثتي...]

على طاري صباح الورد, وإسمك, والحلا والذوق

[لايمكن مشاهده الصور والروابط الا بعد التسجيل ]
على طاري صباح الورد, وإسمك, والحلا والذوق
ذكرتك يااجمل أحلامي , بقافي واستهليته

على درب القصيد أسوق , قلبي والخطاوي شوق
وإذا مالت بي الخطوه , على دربك تنآسيته

يهز الشوق بأعماقي , عناقيد الغرام عذوق
ويقطف بالغلا فيني , غرام(ن) خنت وأخفيته

أحبك كثر ما يشعل , غرامك في حشاي حروق
وشبٌه زود لو يحرق , ضلوعي مت ما اطفيته

أحبك دمعت(ن) طاحت ,على خد الصباح اشروق
يموت النور لو طاحت , على كفي وضميته

تموت من البطا غيمه , طعنها من جفاك بروق
وغشى روض الحشا وسمي,جفافك وإنت ماارويته

رحلت , وما بقى منك سواك إنت , و عنا مفهوق
عنا ذاك الربيع اللي , غشاني ما تمنيته

تعال , إجرح على كيفك , تربع واستحل عروق
تدلل والبساط أحمد , وأنا لرضاك مديته

قم إسهج لآخر ضلوعي, تغلغل داخلي برفوق
حلالك ما بقى مني , مع اللي لأجلك أفنيته

من اللي من غديت أجمل قصيدة ما غدا له ذوق
ومن اللي كتب باسمك قصيده وانكسر بيته

وربي , من كتبت إسمك وبروزته بقلبي فوق
وأنا ما دار في بالي , قصيد ما تحاليته

دخيل الدمعتين اللي, غدت منها الخدود شقوق
ترفق سامحك ربي , على قلب(ن) لك أهديته

إذا لك حق في قلبي , فأنا لي في غلاك حقوق
و حقوق الشوق محفوظة , وحدي ما تعديته

يذكرني صباح الورد , وإسمك , والحلا والذوق
وأردد يا ( أجمل أحلامي ) بقافي يوم هليته

مما راق لي

المصدر: منتديات لمني بشوق - من قسم: (✿) وَزْن وَقَافِيْه