إلّــي يـقــول الـحــب مـوجــود كـــذّاب
حـاجــات ممـنـوعـة تسمّـونـهـا حـــب
و إلّي يقـول أسهرنـي العشـق نصّـاب
و يـعـرف نصـابـه معلـمـتـه الـنـصـب
ماشافـت عيونـي موالـيـف و أحـبـاب
الـعـشــق لا خــطّــى بـقـلـبـي و لا دب
أكتب غزل كـذا علـى شـان الإعجـاب
مهـب علـى شـان الهـوى كـل مـاهـب
لاهــب نسـنـاس الـهـوى خافـقـي ذاب
لا خلّـص النسـنـاس وشـلـون يشـتـب
أوهـــام شـعّــار و تـخـاريــف كــتّــاب
و الجيل ذا من يوم جا و الهوى خرب
نهيـت قلـبـي مــن طبـوعـه و لا تــاب
قد قلت لـه خـل الصراحـة علـى جنـب
لان الصـراحـة دائـمًـا تـفـتـح أبـــواب
صـار الكـلام الواقـعـي يشـبـه الـسـب
و إلّــي بيـزعـل بيـلـقـى لـــه أسـبــاب
لــو إن مـالـي ذنــب بيـحـط لــي ذنــب
حـنّـا بـزمـن فــي العـلاقـات بـحـسـاب
للـخـافـيـة ريــبــة و لـلـواضـحــة رب
حب أهلك حب وطنـك حـب الأصحـاب
ذولا لـقـلــت تـحـبّـهـم فــعـــلاً تــحـــب