هذي القصيده من جديد الشاعر حمدان آل مكتوم ( فزاع )
[لايمكن مشاهده الصور والروابط الا بعد التسجيل ]
و اللي غناها الفنان الاكثر من مبدع( راشد الماجد ) [لايمكن مشاهده الصور والروابط الا بعد التسجيل ]
و اعذروني اذا فيه اخطاء بالكلمات لآن في بعض الكلمات ما فهمتها لأنها باللكنه الإماراتيه
[لايمكن مشاهده الصور والروابط الا بعد التسجيل ]
اتحبني و إلا تحب الدراهم
اختار لك وحده علشان ما ضيع
علاقةٍ ما تنبني بالتفاهم
حتى تحت نور القمر يمكن تميع
و ترى أهل الحب الحقيقي تراهم
مشجعين إحساسهم دون تشجيع
اصغيرهم يدري بقيمة غلاهم
لا يمكن تحصله معروض للبيع
مزروع ٍفي قلبي غلاك و عساهم
فدوى لبستانك و حصد المزاريع
فداك ما يشبه في عيني فداهم
يا ظبي ياللي مرتعك بالمرابيع
إذا زماني ما نصفني و إذا هم
يبغون لي انثر دموع التواديع
للحين بعده ما وصل مستواهم
لمستوى شقر الحرار المطاليع
اصغار و عيوني لا يمكن تراهم
ما هي تشوف إلا النجوم الملاميع
البحر و إلا الموت أنا كلاهم
أغرقهم و احذفهم ليابس الريع
إلا إذا شفتك معاهم تساهم
كنك تقطع قلب مغليك تقطيع
لك محتوى يطغى على محتواهم
و يزيدني شوق و محبه و تلويع
انت القمر و الشمس و إلا حذاهم
انت الورود اليانعة و الينابيع
أهل الحروف تجر لجلك هداهم
و أهل الطرب تعزف لك اللحن تنويع
و الأتقياء موحدينٍ دعاهم
يحفظك ربي من عيون المقاريع
فرّع و علم هالبنات ايش بلاهم
أحبابك الموتى يا سيد المفاريع
في أرضهم جنه نجم في سماهم
إذاعة أهل الحسن بوصوفك تذيع
من دون ما تطلع تراك أحلاهم
و إذا طلعت تصدع الناس تصديع
لكن لا تبعد بفكرك معاهم
الوصل يشرونه و لا الشوف للبيع
لو كل حاجه تنشرا بالدراهم
كان اشتريت العمر قدام ما يضيع